A primeira edición do Caudal Fest chegou á súa fin!

Queremos agradecer a todos os que confiaron no Caudal Fest e asistiron ao festival esta fin de semana, cun total de 22134 asistentes ao longo dos dous días, facendo que o evento sexa xa un dos principais festivais de Galicia. Non podemos esquecernos do pobo lucense por acoller esta iniciativa cos brazos abertos, ao seu Concello polo seu apoio, aos patrocinadores, e a todo o equipo de traballo que fixo posible o éxito total dun evento desta magnitude nunha localización tan fermosa como é a contorna do río Miño ao paso pola nosa cidade. Moitas grazas a todos e agardamos vervos de novo na edición de 2019. 

Vémonos en Lugo, vémonos no  Caudal Fest!